ბულგარეთის ერთ-ერთ საბაჟოზე შემოწმებული სატვირთოდან 20 მილიონი ევროს ღირებულების, 206 კილოგრამი კოკაინი ამოიღეს

ბულგარეთის საბაჟო სამსახურის თანამშრომლებმა 20 მილიონი ევროს ღირებულების, 206 კილოგრამი კოკაინი სატვირთო მანქანიდან ამოიღეს.

ბელგიური სახელმწიფო ნომრით მანქანას ტვირთი თურქეთში გადაჰქონდა. საქმეზე დაკავებულია სამი ადამიანი, მათ შორისაა ბელგიაში აკრედიტებული დიპლომატი კონგოდან.

ეჭვმიტანილებს 20 წლამდე თავისუფლების აღკვეთა ემუქრებათ. საქმეზე გამოძიება არ დასრულებულა.