მეცნიერებმა წონაში დაკლების უჩვეულო ხერხი იპოვეს: უკან სვლა - როგორ შევასრულოთ ვარჯიში სწორად

მოძრაობის ეს მეთოდი ასევე ეფექტიანია ინსულტის პრევენციისა და დაავადებული სახსრების გამოჯანმრთელებისთვის.
უკან სვლა ძალიან შთამბეჭდავად გამოიყურება და პირველად ამის დემონსტრირება მაიკლ ჯექსონმა მოახდინა, 1983 წელს, როდესაც მისმა „მთვარეზე გასეირნებამ“ ხმაური გამოიწვია. თქვენ კი ნამდვილად შეგიძლიათ, ორკესტრის, მოცეკვავეების, განათების ეფექტებისა და მაყურებლების გარეშე იაროთ.

სამკურნალო ეფექტისთვის საკმარისია მხოლოდ უკან სიარული ყოველგვარი ცეკვის ილეთების გარეშე.

„სიარული თავისთავად შესანიშნავი ვარჯიშია, რადგან ეს არის ადამიანის ყველაზე ბუნებრივი მოძრაობა“, - ამბობს ჯეკ მაკნამარა, ფიზიოლოგი აღმოსავლეთ ლონდონის უნივერსიტეტიდან. - მაგრამ ჩვენ ვერ ვაცნობიერებთ მის ყველა სარგებელს, რადგან დავდივართ ავტომატურად, დაუფიქრებლად.  180 გრადუსით შემობრუნება გამორთავს ავტოპილოტს და ხვდები, რა წარმოუდგენლად რთულია სიარული.
როდესაც უკან მივდივართ, ტვინს გაცილებით მეტი ძალისხმევა სჭირდება სისტემების კოორდინაციისთვის. უკან სიარული გამოიყენება ინსულტის მქონე პაციენტების რეაბილიტაციისთვის. კვლევამ აჩვენა, რომ სარბენ ბილიკზე 30 წუთიანი ვარჯიში კვირაში 3-ჯერ, 4 კვირის განმავლობაში, ეფექტიანად აღადგენს წონასწორობას, ზრდის წინ სიარულის სიჩქარეს და აუმჯობესებს გულისა და ფილტვების ფუნქციას.

მაგრამ უმჯობესია საქმე ინსულტამდე არ მიიყვანოთ - უკან სიარული შესანიშნავი საშუალება აღმოჩნდა ჭარბ წონასთან გამკლავებისთვის! მეცნიერებმა გამოთვალეს, რომ ენერგიის დახარჯვა უკან გადაადგილებისას იზრდება 40 პროცენტით. ექსპერიმენტმა, რომელშიც 26 ქალი სტუდენტი მონაწილეობდა, აჩვენა, რომ 6-კვირიანი ვარჯიშის შემდეგ გოგონებმა, რომლებმაც რეტრო სიარული აითვისეს, უფრო მეტი წონა დაკარგეს, ვიდრე მათმა თანატოლებმა, რომლებიც უმიზნოდ დარბოდნენ.

ექიმები ასევე ამბობენ, რომ ეს ვარჯიში სასარგებლოა მათთვის, ვისაც აწუხებს წელის ქრონიკული ტკივილი (ასე უფრო იტვირთება წელის ხერხემლის მხარდამჭერი კუნთები), პაციენტებისთვის, რომლებსაც აქვთ მუხლის სახსრის ოსტეოართრიტი და ქუსლის ფაშიტიტი (ქუსლის ტკივილის ძირითადი მიზეზი). 

როგორ შევასრულოთ ვარჯიში სწორად:

1. არ გაიხედოთ უკან, დაიკავეთ სხეული და თავი პირდაპირ.

2. დაცემის, დაბრკოლებებთან შეჯახების თავიდან ასაცილებლად, დაიწყეთ ვარჯიში დახურულ სივრცეში, მაგალითად, სახლში ან სარბენ ბილიკზე, სადაც შეგიძლიათ სახელურებს მოეჭიდოთ.

3. მაშინვე ნუ შეეცდები, დიდ მანძილზე სიარულს. უმჯობესია, დღეში რამდენჯერმე სცადოთ. დაიწყეთ 20 მეტრის მანძილით და გაზარდეთ, როცა გააუმჯობესებთ უკან სიარულის ტექნიკას.