კატა, ძაღლი, ბაჭია თუ კუ - როგორ შევარჩიოთ იდეალური შინაური ცხოველი დაბადების თარიღის მიხედვით

ნუმეროლოგები და ასტროლოგები ამტკიცებენ, რომ ვარსკვლავებს შეუძლიათ მოგვცენ მინიშნება იმის შესახებ, თუ რომელი შინაური ცხოველი იქნება თქვენთვის იდეალური. მიუხედავად იმისა, რომ საერთო ენის გამონახვა ყველაზე განსხვავებულ ცხოველებთანაც არის შესაძლებელი, თქვენი დაბადების თარიღის მიხედვით არსებობს ცხოველის.  კონკრეტული სახეობა, რომელთანაც განსაკუთრებით ღრმა სულიერ კავშირს დამყარებთ - წერს Parade.

რომელი შინაური ცხოველი უნდა დაიწყოთ დაბადების თარიღის მიხედვით — კატა, ბაჭია თუ სულაც რამე ეგზოტიკური?

1, 10, 19, 28 რიცხვებში დაბადებულები: ოქროსფერი რეტრივერი.

თბილი, კომუნიკაბელური და ადვილად გაწვრთნადი ოქროსფერი რეტრივერი იდეალური კომპანიონია მათთვის, ვინც მზის მიერ მართულ თარიღებში დაიბადა. სიამოვნებას მიიღებთ ამ მეგობრულ ძაღლთან ერთად სეირნობით, რომელიც ცნობილია ახალი მეგობრების იოლად შეძენის უნარით. ასევე მოგეწონებათ ამ ჯიშის მაღალი ინტელექტი.

2, 11, 20, 29 რიცხვებში დაბადებულები: აფრიკული ჯუჯა ზღარბი.

ეგზოტიკური ზღარბი შესაძლოა არ იყოს ყველაზე მოსიყვარულე შინაური ცხოველი, მაგრამ ის ერთ-ერთი ყველაზე მშვიდი არსებაა, რომლის შინაურ პირობებში ყოლაც შესაძლებელია. ის შესანიშნავად მოერგება მათ, ვინც დამოუკიდებელ კომპანიონს ეძებს, თუმცა განსაკუთრებულ მოვლასა და ყურადღებას მოითხოვს. თქვენი დაბადების თარიღი მზრუნველი მთვარის გავლენის ქვეშაა, ამიტომ ამ არაორდინალურ ძუძუმწოვარს აუცილებლად გაუგებთ.

3, 12, 21, 30 რიცხვებში დაბადებულები: ცხენი.

თუ იუპიტერის მფარველობის ქვეშ მყოფ დღეს დაიბადეთ, ყველაფერი დიდი გიყვართ — მათ შორის შინაური ცხოველებიც! თუ საკმარისი სივრცე გაქვთ, შეგიძლიათ ისიამოვნოთ ბუნებაში გატარებული დროითა და ცხენით ჯირითით.  ჯირითისა და საინტერესო თავგადასავლების გარდა, მოგეწონებათ ის გამოწვევა და ხანგრძლივი ემოციური მიჯაჭვულობა, რაც ამ განსაკუთრებულ ცხოველებთან დაახლოებას სჭირდება.

4, 13, 22, 31 რიცხვებში დაბადებულები: ბირმული კატა.

თუ ურანის მიერ მართულ დღეს დაიბადეთ, შესაძლოა საკმაოდ იშვიათი შინაური ცხოველები მოგიხდეთ. ბირმული კატა ღრმა ლურჯი თვალებითა და დამახასიათებელი თეთრი თათებით ნამდვილი სამეფო გვარის წარმომადგენელია.  გარდა ამისა, ეს კატები თითქმის არ იცვლიან ბეწვს და ძალიან მარტივ მოვლას საჭიროებენ სილამაზის შესანარჩუნებლად.

5, 14, 23 რიცხვებში დაბადებულები: ბაჭია.

ბაჭია იდეალური კომპანიონია მათთვის, ვინც სწრაფი პლანეტის, მერკურის მმართველობის დღეებში დაიბადა. ამ ფუმფულა გუნდას უყვარს მუდმივად ჭამა, განსაკუთრებით კი ბაღის ახალი ბოსტნეული. როგორც კი ბაჭია ახალ სახლს შეეჩვევა, აუცილებლად გამოავლენს თავისი ხასიათის მხიარულ და საინტერესო მხარეს.

6, 15, 24 რიცხვებში დაბადებულები: ზღვის გოჭი.

ყვანჩალა და მოსიყვარულე, თუმცა გულდასმით მოვლას დაქვემდებარებული ზღვის გოჭი საჭიროებს პატრონს, რომელსაც დიდი ენერგია და ერთგულება გააჩნია. მოყვარული პლანეტის, ვენერას მართვის ქვეშ დაბადებულებს ყველა ეს თვისება გააჩნიათ. თავის მხრივ, ზღვის გოჭი თავის პატრონებს უსაზღვრო ხიბლს ჩუქნის.

7, 16, 25 რიცხვებში დაბადებულები: ოქროს თევზი.

თუ წყლის ნეპტუნით მართულ დღეს დაიბადეთ, გჭირდებათ შინაური ბინადარი, რომელიც ერთდროულად ნაკლებად პრეტენზიულიც იქნება და ოდნავ ჯადოსნურიც. როგორც მებრძოლი, ისე ოქროს თევზი აუცილებლად შემატებს ფერებსა და ბედნიერებას თქვენს ცხოვრებას.

8, 17, 26 რიცხვებში დაბადებულები: წითელყურა კუ.

ეს კუ იდეალური შინაური ბინადარი გახდება სატურნის მიერ მართულ თარიღებში დაბადებულთათვის. სიამოვნებას მიიღებთ თქვენი კომპანიონისთვის იდეალური ეკოსისტემის შექმნით. მიუხედავად იმისა, რომ მათთან შეხება ყოველთვის სასიამოვნო არ არის, როგორც წესი, ისინი მრავალი წლის განმავლობაში ცოცხლობენ.

9, 18, 27 რიცხვებში დაბადებულები: ქვეწარმავალი.

ყველას როდი უხდება ქვეწარმავალი შინაური ცხოველის როლში, მარსით მართულ თარიღებში დაბადებული უშიშარი ადამიანების გარდა.