უსამშობლო კაცი ხარ - ანრი ოხანაშვილი გიორგი ვაშაძეს

იურიდიულ საკითხთა კომიტეტზე, სადაც მოძრაობა „ხალხის ძალის“ მიერ ინიცირებული კანონპროექტების განხილვა მიმდინარეობს, ხმაურია. იურიდიულ საკითხთა კომიტეტის თავმჯდომარე, ანრი ოხანაშვილმა რამდენჯერმე მოუწოდა ოპოზიციის წარმომადგენლებს, დაეცვათ წესრიგი. მან ასევე მოუწოდა ოპოზიციას, „ხალხის ძალის“ წევრისთვის, გურამ მაჭარაშვილისთვის მოხსენების წაკითხვის საშუალება მიეცათ.

ოპოზიციის წარმომადგენლების მხრიდან პერიოდულად ისმის შეძახილები, „არა რუსულ კანონს“.

ამასთან, ანრი ოხანაშვილმა გიორგი ვაშაძეს უსამშობლო კაცი უწოდა. „უსამშობლო ხარ, უსამშობლო კაცი ხარ“, – მიმართა ოხანაშვილმა გიორგი ვაშაძეს.

ანრი ოხანაშვილმა მანდატურებს მიმართა, სალომე  სამადაშვილი, თამარ კორძაია, ხათუნა სამნიძე, ლევან ხაბეიშვილი, გიორგი ვაშაძე და ანა ნაცვლიშვილი დარბაზიდან გაიყვანონ და  წესრიგი უზრუნველყონ.

კომიტეტზე საკითხის განხილვა ამ დრომდე ვერ ხერხდება.