თენგიზ შარმანაშვილი: ყველაფერს რუსულს არქმევენ - მოწინააღმდეგის განადგურება იწყება მისი იდეოლოგიური გაშავებით. უნდა მოიგონონ რაღაც იარლიყი, რომ მერე თავიანთი არასწორი, ძალისმიერი ქმედებები გაამართლონ

საერთოდ, მოწინააღმდეგის განადგურება იწყება მისი იდეოლოგიური გაშავებით. უნდა მოიგონონ რაღაც იარლიყი, რომ მერე თავიანთი არასწორი, ძალისმიერი ქმედებები გაამართლონ, - განაცხადა თავდაცვისა და უშიშროების საპარლამენტო კომიტეტის თავმჯდომარის პირველმა მოადგილემ თენგიზ შარმანაშვილმა.

მისი თქმით, დიფ სთეითის აგენტურა ყველას პრორუსად აცხადებს, ვინც მათ არ ეთანხმება.

„ამიტომ ეს ნარატივი ყველგან ერთნაირი აქვთ და ეს იმდენად თვალნათელია, რომ ამაზე ლაპარაკიც ზედმეტია. დიფ სთეითის აგენტურაც ასე მოქმედებს აქ. რუსული, რუსული - უკვე სასაცილო დონემდე მივიდა, ყველაფერს რუსულს არქმევენ“, - აღნიშნავს შარმანაშვილი.