შალვა პაპუაშვილმა სტიქიასთან ბრძოლაში ჩართულ მუნიციპალიტეტების თანამშრომლებს, მეხანძრე-მაშველებს, პოლიციელებს, სამედიცინო პერსონალს, მოხალისეებს და ადგილობრივ მოსახლეობას მადლობა გადაუხადა

„მინდა, მადლობა გადავუხადო  უპირველეს ყოვლისა მუნიციპალიტეტების თანამშრომლებს, რომლებიც პირველები იყვნენ სტიქიის შედეგებთან საბრძოლველად და მოსახლეობის მხარდასაჭერად“, -  განაცხადა პარლამენტის თავმჯდომარე შალვა პაპუაშვილმა, რომელიც გურიასა და საქართველოს კიდევ რამდენიმე რეგიონში დიდთოვლობის გამო განვითარებულ მოვლენებს გამოეხმაურა.

პარლამენტის თავმჯდომარემ მადლობა გადაუხადა  სტიქიასთან ბრძოლაში ჩართულ თითოეულ მოქალაქეს.

„მინდა, მადლობა გადავუხადო მეხანძრე-მაშველებს, მადლობა გადავუხადო  პოლიციის თანამშრომლებს, სამედიცინო პერსონალს. მადლობა გადავუხადო ყველას, მათ შორის, მოხალისეებს, რომლებიც ადგილზე ეხმარებოდნენ მოსახლეობას,  ადგილობრივებს, ვინც სტიქიასთან  საბრძოლველად, გვერდით დაუდგა ჩვენს მოქალაქეებს“,  - განაცხადა შალვა პაპუაშვილმა.