სასაცილო არა არის ზურაბ ადეიშვილის საუბარი ადამიანის უფლებებზე, ეს არის დიდი ტრაგედია - ვოლსკი

სასაცილო არა არის ზურაბ ადეიშვილის საუბარი ადამიანის უფლებებზე, ეს არის დიდი ტრაგედია, რაც სამწუხაროდ, ახასიათებს ჩვენ დღევანდელობას. - ამის შესახებ საქართველოს პარლემენტის ვიცე-სპიკერმა, გიორგი ვოლსკიმ განაცხადა.

მისი თქმით, ზურაბ ადეიშვილის გენერალური პროკურორობის დროს ადამიანის უფლებები უხეშად ირღვეოდა.

„არ ყოფილა ისეთი პერიოდი საქართველოში 30-იანი წლების შემდეგ, როდესაც ადამიანის უფლებები ისე სასტიკად ირღვეოდა, როგორც ზურაბ ადეიშვილის გენერალური პროკურორობის პერიოდში“, - განაცხადა გიორგი ვოლსკიმ.

ევროპული საბჭოს ინფორმაციით, უკრაინაში რუსეთის სამხედრო აგრესიის თემაზე შეხვედრა გაიმართა, რომელსაც საქართველოს იუსტიციის ყოფილი მინისტრი, ზურაბ ადეიშვილიც ესწრებოდა.