საქართველოში პოლიტპატიმრები არ არსებობენ, ეს დრო ჩვენ წარსულს ჩავაბარეთ - კახა კალაძე

თბილისის მერის, კახა კალაძის განცხადებით, საქართველოს პოლიტპატიმრები არ ჰყავს, ამის შესახებ მან ჟურნალისტებთან განაცხადა. 

„ევროკავშირის კანდიდატობასთან დაკავშირებით, ჩვენ ძალიან ბევრი გვაქვს გაკეთებული. შეიძლება პირდაპირ ითქვას, რომ იმ სამი ქვეყნიდან, რომელსაც წარდგენილი აქვს კანდიდატობაზე განაცხადი, საქართველო ყველაზე წინ არის ყველანაირი რეფორმებით და კონკრეტული გადადგმული ნაბიჯებით.

რაც შეეხება პოლიტპატიმრებს, პოლიტპატიმრები საქართველოში არ არსებობენ. ეს დრო ჩვენ წარსულს ჩავაბარეთ, როდესაც პოლიტპატიმრები იყვნენ და განსხვავებული მოსაზრებების გამო აკავებდნენ და იჭერდნენ ხალხს. ეს არის „ნაციონალური მოძრაობის" მიერ შედგენილი წერილი და მიწოდებული EPP-სთვის",-განაცხადა კალაძემ.