საქართველოს პარლამენტის თავმჯდომარე სომეხ ხალხს შობასა და ნათლისღებას ულოცავს

საქართველოს პარლამენტის თავმჯდომარე შალვა პაპუაშვილი სომეხ ხალხს შობასა და ნათლისღებას ულოცავს და მათ სიკეთეს, კეთილდღეობას უსურვებს.

აღნიშნულის შესახებ პაპუაშვილი სოციალურ ქსელ „ტვიტერის“ გვერდზე წერს.

„ვულოცავ სომხურ სამოციქულო ეკლესიას და საქართველოსა და მთელ მსოფლიოში ყველა სომეხს შობასა და ნათლისღებას. დაე, ამ დღესასწაულმა სიხარული, სიკეთე და კეთილდღეობა მოუტანოს თქვენს ოჯახებს“, – წერს შალვა პაპუაშვილი.

I congratulate the Armenian Apostolic Church & all Armenians in Georgia and around the world on Christmas and the Epiphany. May this festive season bring joy, kindness and prosperity to your families.

— Shalva Papuashvili 🇬🇪 (@shpapuashvili) January 6, 2023