საქართველოს მთავრობის ადმინისტრაციის უფროსი ევროპასა და ცენტრალურ აზიაში UNICEF-ის რეგიონულ დირექტორს შეხვდა

საქართველოს მთავრობის ადმინისტრაციის უფროსი ლევან ჟორჟოლიანი ევროპასა და ცენტრალურ აზიაში UNICEF-ის  რეგიონულ დირექტორს, რეჯინა დე დომინიკისს შეხვდა.

მხარეებმა საქართველოში UNICEF-ის საქმიანობის ძირითადი მიმართულებები და მიმდინარე პროექტები განიხილეს. ყურადღება დაეთმო ბავშვთა უფლებების, ჯანმრთელობის დაცვისა და განათლების საკითხებს.

საუბარი ასევე შეეხო სამომავლო თანამშრომლობის პრიორიტეტებს, რომლებზეც საქართველოს სახელმწიფო უწყებებისა და გაეროს სააგენტოების მონაწილეობით მოქმედი მმართველი კომიტეტი აქტიურად მუშაობს.

მთავრობის ადმინისტრაციის უფროსმა აღნიშნა, რომ მუშავდება თანამშრომლობის ჩარჩო, რომელსაც გაერო-ს სააგენტოებთან ურთიერთობის პროგრამა დაეფუძნება. მხარეებმა სხვადასხვა პროგრამის ფარგლებში მჭიდრო თანამშრომლობის გაგრძელებისთვის მზადყოფნა გამოთქვეს.