„საერთოდ სხვაა, გამოფიტული ადამიანია... თვითონ კლინიკა არაჩვეულებრივია, ექიმები ვნახე, ძალიან მომეწონა“ - გიული ალასანია სააკაშვილზე

საქართველოს ყოფილი პრეზიდენტი, მიხეილ სააკაშვილი, კლინიკა „ვივამედში“ გიული ალასანიამ მოინახულა.

დედის თქმით, მისი შვილის ჯანმრთელობის მდგომარეობა კიდევ უფრო გართულებულია და ის საზღვარგარეთ სამკურნალოდ დაუყოვნებლივ უნდა გადაიყვანონ.

„თვითონ კლინიკა არაჩვეულებრივია, ექიმები ვნახე, ძალიან მომეწონა. მე ვფიქრობ, რომ ყველაფერი სწორად უკეთდება, ბევრი დიაგნოზი აქვს და ნელ-ნელა იმიტომ კეთდება, ამას დრო სჭირდება. პრობლემა ის არის, რომ ვერ ჭამს. საშინელი სისუსტე აქვს, ფერი საერთოდ არ აქვს, ვერ ვცნობ ჩემს შვილს, საერთოდ სხვაა, გამოფიტული ადამიანია. გამოსავალს ვხედავ გაყვანაში," - განაცხადა ალასანიამ.

გადაყვანის აუცილებლობაზე საუბრობს ნიკოლოზ ყიფშიძეც. სააკაშვილის პირადი ექიმი კონკრეტული გამოკვლევების შედეგებს ელოდება, რომელიც, სავარაუდოდ, ერთ კვირაში გახდება ცნობილი.