"იძულებული ვიქნებით, გადავდგათ საპასუხო ნაბიჯები" - რუსეთის საგარეო უწყება ფინეთზე

რუსეთის საგარეო საქმეთა სამინისტროში აცხადებენ, რომ ფინეთის NATO-ში გაწევრიანების შემდეგ, რუსეთი იძულებული იქნება, საპასუხო ნაბიჯები გადადგას. 

"NATO-ს წევრმა ქვეყნებმა მტკიცედ დაარწმუნეს ფინური მხარე, რომ ალიანსში გაწევრიანების ალტერნატივა არ არსებობდა. ალიანსის მიზანი ნათელია, გააგრძელოს გაფართოება რუსეთის საზღვრებთან, შექმნას ჩვენი ქვეყნის სამხედრო საფრთხის კიდევ ერთი ფლანგი", - ნათქვამია საგარეოს განცხადებაში.

ფინეთის პრეზიდენტმა და პრემიერმინისტრმა განაცხადეს, რომ NATO-ში გაწევრიანებას მხარს უჭერენ. როგორც პრემიერისა და პრეზიდენტის ერთობლივ განცხადებაშია აღნიშნული, ალიანსში გაწევრიანებაზე განაცხადი დაუყოვნებლივ უნდა გაკეთდეს.