„რუსეთთან ორმხრივი სანქციებით, ჩვენ, პირველ რიგში ეკონომიკური უკუსვლა გვექნებოდა, ამით დაზარალდებოდა ჩვენი ქვეყანა და არა რუსეთი“ - მარიამ ლაშხი

"რუსეთთან ორმხრივი სანქციებით, ჩვენ, პირველ რიგში ეკონომიკური უკუსვლა და ყველაზე პესიმისტური გათვლებით 15-18 პროცენტიანი ვარდნა გვექნებოდა" - ამის შესახებ "დღის კურიერის" ეთერში პარლამენტის ფრაქცია ”ქართული ოცნების” წევრმა მარიამ ლაშხმა განაცხადა.

"რუსეთთან ორმხრივი სანქციებით, ჩვენ, პირველ რიგში ეკონომიკური უკუსვლა და ყველაზე პესიმისტური გათვლებით 15-18 პროცენტიანი ვარდნა გვექნებოდა, რაც ნიშნავს, რომ პური 10 ლარი გახდებოდა და სხვა ფასებთან მიმართებაში, სულ სხვა ბიუჯეტს განვიხილავდით, განსხვავებით იმისა, თუ რა გვაქვს დღეს. მანამდე თუ კულუარებში გვესაუბრებოდნენ ამაზე, დღეს პირდაპირ რეზოლუციაში ჩაწერს, რაც ერთი მხრივ კარგია, რადგან ჩვენ მოსახლეობასთან დახურულ კარს მიღმა შეხვედრების შესახებ ინფორმაცია არ გამოგვქონდა, დღეს უკვე რეზოლუციის სახით გამოიტანეს მათ და პირდაპირ ასახეს ის მიზნები, რაც ორმხრივ სანქციებს ემსახურება. ორმხრივ სანქციებს აქვს ერთი ძირითადი მიზანი, რომ ზარალი მიაყენონ დასანქცირებულ ქვეყანას. ჩვენ შემთხვევაში 0.02 პროცენტია მათ ვაჭრობაში ჩვენი ეკონომიკური წილი და რა თქმა უნდა, რუსეთს კი არ დააზარალებდა, არამედ დაზარალდებოდა ჩვენი ქვეყანა,"- აცხადებს მარიამ ლაშხი.