პრემიერი - საქართველოში აშშ-ის საელჩო, USAID, NED და სხვა ინსტიტუციები მოქმედებდნენ კოორდინირებულად ქართველი ხალხისა და ქართული სახელმწიფოს წინააღმდეგ, გვაქვს დიდი იმედი, რომ ახალი ადმინისტრაციის პირობებში ეს მახინჯი პრაქტიკა დასრულდება

საქართველოს განათლების, მეცნიერებისა და ახალგაზრდობის სამინისტროსა და ყაზახეთის რესპუბლიკის მეცნიერებისა და უმაღლესი განათლების სამინისტროს შორის თანამშრომლობის მემორანდუმი გაფორმდა, რომელიც უმაღლესი განათლების, მეცნიერების, ტექნოლოგიებისა და ინოვაციების მიმართულებით ქვეყნებს შორის კავშირების გაფართოებას ითვალისწინებს.

დოკუმენტს ხელი საქართველოს განათლების, მეცნიერებისა და ახალგაზრდობის მინისტრმა ალექსანდრე წულაძემ და ყაზახეთის რესპუბლიკის მეცნიერებისა და უმაღლესი განათლების მინისტრმა საიასატ ნურბეკმა მოაწერეს.

„ჩვენი სამინისტროს ერთ-ერთი პრიორიტეტია უმაღლესი განათლებისა და მეცნიერების ინტერნაციონალიზაციის ხელშეწყობა

სწორედ ამ მიზნით გავაფორმეთ დღეს საქართველოს განათლების მეცნიერებისა და ახალგაზრდობის სამინისტროსა და ყაზახეთის რესპუბლიკის უმაღლესი განათლებისა და მეცნიერების სამინისტროს შორის თანამშრომლობის მემორანდუმი.

აღნიშნული მემორანდუმი ხელს შეუწყობს ორ ქვეყანას შორის უმაღლესი განათლების, კვლევების, ტექნოლოგიებისა და ინოვაციების მიმართულებით თანამშრომლობის გაღრმავებას.

ჩვენი მიზანია, ქართველ სტუდენტებს ჰქონდეთ შესაძლებლობა, ჩაერთონ გაცვლით პროგრამებში, მიიღონ განათლება და გაიარონ სტაჟირება ყაზახეთის უნივერსიტეტებში და, პირიქით, ჩვენ მივიღოთ ყაზახი სტუდენტები საქართველოში“, - განაცხადა ალექსანდრე წულაძემ.