„პასუხი გაეცემა, როცა გაეცემა“ - ზურაბიშვილი სააკაშვილის შეწყალებაზე

„მთავარ შეკითხვას პასუხი გაეცემა, როცა გაეცემა“ - ასე უპასუხა საქართველოს პრეზიდენტმა სალომე ზურაბიშვილმა, ჟურნალისტის კითხვას - შეიწყალებს თუ არა, ყოფილ პრეზიდენტს მიხეილ სააკაშვილს, რაც როგორც ჟურნალისტმა აღნიშნა, ამ დროისთვის მთავარი შეკითხვაა.

აღნიშნული განცხადება პრეზიდენტმა ორბელიანების სასახლეში გამართულ ბრიფინგზე გააკეთა.

სალომე ზურაბიშვილის ბრიფინგის პარალელურად, პრეზიდენტის ადმინისტრაციასთან აქცია მიმდინარეობს. აქციის მონაწილეები სალომე ზურაბიშვილს მოუწოდებენ, რომ საქართველოს მესამე პრეზიდენტი არ შეიწყალოს.