პარლამენტთან ვითარება დაძაბულია - რა ხდება ამ წუთებში ადგილზე

ამ წუთებში, საქართველოს პარლამენტთან მიმდინარე აქციაზე ვითარება უკიდურესად დაძაბულია.

მოქალაქეები პარლამენტის შესასვლელებთან არიან მობილიზებულები.

მათ ცოტა ხნის წინ რკინის ჯებირები დაშალეს და პარლამენტის შენობის მიმართულებით ქვები და სხვადასხვა საგნები ისროლეს.

პოლიცია მათ წინააღმდეგ წყლის ჭავლს იყენებს.

ცოტა ხნის წინ, განცხადება გაავრცელა შინაგან საქმეთა სამინისტრომ და აქციის მონაწილეებს მოუწოდა, არ გასცდნენ გამოხატვის თავისუფლებისა და მშვიდობიანი შეკრების კანონით დადგენილ ნორმებს.