1729546708
პარლამენტის პლენარულ სხდომაზე, ეკონომიკისა და მდგრადი განვითარების მინისტრის მოადგილემ გურამ გურამიშვილმა „საქართველოს სარკინიგზო კოდექსში ცვლილების შეტანის შესახებ“ კანონპროექტი და მისგან გამომდინარე „საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ კანონპროექტი პირველი მოსმენით წარადგინა.
მომხსენებლის განცხადებით, წარმოდგენილი კანონპროექტები სარკინიგზო რეფორმის მეორე ფაზის ფარგლებში მომზადდა, რითაც ეროვნული კანონმდებლობა ევროკავშირის კანონმდებლობის მიერ დადგენილ სტანდარტებს უახლოვდება.
მისივე თქმით, კანონპროექტის მიზანია სარკინიგზო გადაყვანების დროს მგზავრთა უფლებების დაცვასთან დაკავშირებული საკითხის დარეგულირება, ასევე, სათანადო მექანიზმების შექმნა და სარკინიგზო დარგზე სახელმწიფო საზედამხედველო ფუნქციების ეფექტური განხორციელება.
მინისტრის მოადგილის თქმით, კანონპროექტით განისაზღვრება სახიფათო ტვირთით რკინიგზაზე გადაზიდვის ზედამხედველობისა და მონიტორინგის საკითხის დარეგულირება. ასევე შეზღუდული შესაძლებლობის მქონე და გადაადგილების შეზღუდული უნარის მქონე პირების გადაყვანისთვის მნიშვნელოვანი გარანტიები განისაზღვრება.
პარლამენტმა სარკინიგზო კოდექსში შესატანი ცვლილებები პირველი მოსმენით, 83 ხმით მიიღო.
