„ნარკოტიკებთან დაკავშირებული დანაშაული, ნარკოტიკების გავლენა მომავალი თაობის ჯანმრთელობაზე, დემოგრაფიაზე, განსაკუთრებით, პატარა ქვეყნებში საკმაოდ სერიოზულ პრობლემასა და გამოწვევას წარმოადგენს“ - გიორგი ვოლსკი

„ნარკოტიკებთან დაკავშირებული დანაშაული, ნარკოტიკების გავლენა მომავალი თაობის ჯანმრთელობაზე, დემოგრაფიაზე, განსაკუთრებით, პატარა ქვეყნებში საკმაოდ სერიოზულ პრობლემასა და გამოწვევას წარმოადგენს," - ამის შესახებ პარლამენტის პირველმა ვიცე-სპიკერმა, გიორგი ვოლსკიმ განაცხადა, რითაც ანტინარკოტიკულ საკანონმდებლო ცვლილებები შეაფასა.

ბრძოლაა საჭირო შემომტანის მიმართ, გამსაღებლის მიმართ, ლოიალობა უნდა შენარჩუნდეს დაავადებულთა მიმართ, მაგრამ ყველამ უნდა იცოდეს, რომ ბრძოლა იქნება შეურიგებელი, ვინაიდან ეს არის დივერსია ქართველი ხალხის, მისი მომავლისა და დემოგრაფიის წინააღმდეგ," - განაცხადა გიორგი ვოლსკიმ.

ანტინარკოტიკულ საკანონმდებლო პაკეტს დეპუტატები მეორე მოსმენით მიიღებენ. ცვლილების მიხედვით, კანონმდებლობა მკაცრდება, განსაკუთრებით, ნარკორეალიზატორებისთვის, თუმცა, დამატებითი შეზღუდვები უწესდებათ ნარკომომხმარებლებსაც. ნებისმიერი სახის ნარკოტიკული საშუალების, მათ შორის, მარიხუანას რეალიზებისთვის 12-დან 20 წლამდე, ან უვადო პატიმრობაა გათვალისწინებული. ასევე, თუ პირს დაუდასტურდება ნარკოტიკული საშუალებების მოხმარება მას სატრანსპორტო საშუალების მართვა აეკრძალება სამი წლით არის სხვა შეზღუდვებიც.