მინსკის შეთანხმებები უკვე აღარ არსებობს - პუტინი

მინსკის შეთანხმებები უკვე აღარ არსებობს, - ამის შესახებ რუსეთის ლიდერმა, ვლადიმერ პუტინმა ჟურნალისტებს განუცხადა.

მისი თქმით, ევროპამ ვერ შეძლო კიევის იძულება, შეესრულებინა „მინსკი-2“.

„უკრაინის ხელისუფლებამ საჯაროდ განაცხადა, რომ არ შეასრულებენ მინსკის შეთანხმებებს. რუსეთს არ შეეძლო კვლავაც მოეთმინა დონბასის ხალხის გენოციდი. მინსკის შეთანხმებები მოკლა კიევმა ჯერ კიდევ მანამდე, ვიდრე რუსეთი აღიარებდა ლუგანსკისა და დონეცკის რესპუბლიკები“, - განაცხადა პუტინმა.