„მე და ჩვენმა ადვოკატებმა სხდომაზე წარვადგინეთ ძალიან მკაფიოდ ის არგუმენტები, თუ რატომ არ მივედი, ეს არმისვლა იყო შეგნებული“ - მამუკა ხაზარაძე

მამუკა ხაზარაძეს დროებით საგამოძიებო კომისიასთან თანამშრომლობაზე უარის თქმის გამო 50 000 ლარიანი გირაო შეეფარდა.

მამუკა ხაზარაძის სასამართლო სხდომა ცოტახნის წინ დასრულდა. განხილვის მთავარი საკითხი სწორედ აღკვეთის ღონისძიება იყო. ოპოზიციონერი პოლიტიკოსის მიმართ გირაოს გამოყენება პროკურატურამ მოითხოვა. მამუკა ხაზარაძის მიმართ საქმე სწორედ პარლამენტში შექმნილი დროებითი საგამოძიებო კომისიის მიმართვის საფუძველზე დაიწყო.

სასამართლო სხდომის დასრულების შემდეგ, ”ძლიერი საქართველოს” თავმჯდომარემ განაცხადა, რომ საგამოძიებო კომისიაზე არმისვლა "შეგნებული" ნაბიჯი იყო მისი მხრიდან:

"პირადად მე და ჩვენმა ადვოკატებმა სხდომაზე წარვადგინეთ ძალიან მკაფიოდ ის არგუმენტები, თუ რატომ არ მივედი. ეს არმისვლა იყო შეგნებული. ამის შესახებ იქნა ცნობილი პროკურატურისთვის, სასამართლოსთვის, რომ ჩემი არ გამოცხადება არალეგიტიმურ სასამართლოში შესაბამისად, მის მიერ შექმნილ არალეგიტიმურ კომისიაში, არის ჩემი შეგნებული ნაბიჯი. ეს არის ჩემი ურყევი პროტესტი და ეს პროტესტი იქნება მყარი," - აცხადებს მამუკა ხაზარაძე.