,,მათი თავდადება მუდამ დარჩება ჩვენი თანამედროვე ისტორიის საამაყო მაგალითად" - ირაკლი ღარიბაშვილი შინდისის გმირებზე

„სამშობლოს თავისუფლებისა და დამოუკიდებლობისათვის მათი თავდადება მუდამ დარჩება ჩვენი თანამედროვე ისტორიის საამაყო მაგალითად“, - ამის შესახებ მთავრობის მეთაური ირაკლი ღარიბაშვილი სოციალურ ქსელში პოსტს აქვეყნებს და შინდისის გმირების ხსოვნას პატივს მიაგებს.

მისი თქმით, შინდისის გმირების თავდადების ისტორიაზე მომავალი თაობები გაიზრდებიან.

„14 წელი შესრულდა აგვისტოს ომის ერთ-ერთი ყველაზე შთამბეჭდავი და გამორჩეული გმირობის ისტორიიდან - შინდისის ბრძოლიდან.

დღეს სრულიად საქართველო კიდევ ერთხელ მიაგებს პატივს ბრძოლაში გმირულად დაცემული 17 ქართველი მეომრის ნათელ ხსოვნას.

სამშობლოს თავისუფლებისა და დამოუკიდებლობისათვის მათი თავდადება მუდამ დარჩება ჩვენი თანამედროვე ისტორიის საამაყო მაგალითად, რომელზეც მომავალი თაობები გაიზრდებიან“, - წერს ღარიბაშვილი სოციალურ ქსელში.