მანდატების დატოვება სწორი არ იქნება - რომან გოცირიძე

"საპარლამენტო მანდატების დატოვება სწორი არ იქნება, თუნდაც საერთაშორისო მხარდაჭერის მიღების თვალსაზრისით",- ამის შესახებ ჟურნალისტებთან "ნაციონალური მოძრაობის" დეპუტატმა რომან გოცირიძემ განაცხადა.

"ყველა მეთოდი იქნება გამოყენებული, რაც გადაარჩენს მიხეილ სააკაშვილს, შიმშილობიდან დაწყებული, ქუჩის აქციებით დამთავრებული. რაც შეეხება საპარლამენტო მანდატების დატოვებას, სანამ ის იქნება ამ ბრძოლის ერთ- ერთი შემადგენელი ნაწილი, პირადად ჩემი აზრია, რომ ეს არ იქნება სწორი, თუნდაც საერთაშორისო მხარდაჭერის მიღების თვალსაზრისით. იგივე ის რეზოლუციები, რაც იქნა მიღებული ევროპარლამენტში და სხვაგან, მათ შორის სადეპუტატო მუშაობის, საგარეო მუშაობის შედეგიცაა. სანამ არსებობს ბერკეტი, რომელიც შეიძლება, გამოყენებულ იქნას, არ იქნება ამის დატოვება სწორი. მერე ვნახოთ", - განაცხადა გოცირიძემ.

ცნობისთვის, ყოფილი პრეზიდენტის, მიხეილ სააკაშვილის მიმართ სოლიდარობის გამოცხადების მიზნით, ოპოზიციის ნაწილი პარლამენტის დატოვებას განიხილავს.