მაკა ბოჭორიშვილი: ძალიან ხშირად ხდება აპელირება სხვადასხვა საკითხზე, როდესაც საქართველოსთან მიმართებაში არის ხოლმე საუბარი, თუნდაც უსაფრთხოების კონტექსტში, თუნდაც დემოკრატიის კონტექსტში, რომელიც იარაღად არის ხოლმე გამოყენებული

ძალიან ხშირად ხდება აპელირება სხვადასხვა საკითხზე, როდესაც საქართველოსთან მიმართებაში არის ხოლმე საუბარი თუნდაც უსაფრთხოების კონტექსტში, თუნდაც დემოკრატიის კონტექსტში, რომელიც იარაღად არის ხოლმე გამოყენებული, - განაცხადა გადაცემაში „იმედი LIVE“ საქართველოს საგარეო საქმეთა მინისტრმა მაკა ბოჭორიშვილმა.

მისივე თქმით, ჩვენ ვხედავთ კონკრეტულ ძალებს, კონკრეტულ ქვეყნებს, რომლებიც გარკვეული შიშებით მოქმედებენ და ამას არც მალავენ უკვე.

„გვესმის განცხადებები კონკრეტული ქვეყნებიდან, ამ შემთხვევაში ბალტიისპირეთის ქვეყნებზე ვსაუბრობ. საკუთარი ქვეყნის უსაფრთხოებაზე ზრუნვა ლეგიტიმურია, ამაზე ვერავის გააკრიტიკებ და ვერავის უარყოფითად ვერ მოიხსენიებ, ისინი თუკი ფიქრობენ საკუთარი ქვეყნების უსაფრთხოებაზე, მაგრამ რას ხედავენ ისინი საკუთარი უსაფრთხოების გარანტად. ჩვენ ვხედავთ, მაგალითად არიან პოლიტიკოსები, გარკვეული ძალები, რომლებიც აცხადებენ, რომ მათთვის გარკვეულწილად უსაფრთხო იქნება უფრო და უფრო მშვიდი იქნება მართვის ცხოვრება თუკი დაძაბულობის კერები იქნება სხვაგან და არ იქნება მათ ქვეყნებში.

ეს ჩვენი არჩევანია, ჩვენ უნდა გავახილოთ, ასე ვთქვათ, თვალი. ჩვენ უნდა შევხედოთ სწორად ფაქტებს, ჩვენ უნდა შევაფასოთ სწორად მოვლენები, რა მოვლენებთან გვაქვს საქმე და საერთოდ, რატომ არის ამგვარი დამოკიდებულებები კონკრეტულ საკითხებთან დაკავშირებით. ძალიან ხშირად ხდება აპელირება სხვადასხვა საკითხზე, როდესაც საქართველოსთან მიმართებაში არის ხოლმე საუბარი თუნდაც უსაფრთხოების კონტექსტში, თუნდაც დემოკრატიის კონტექსტში, რომელიც იარაღად არის ხოლმე გამოყენებული“, - აღნიშნა მაკა ბოჭორიშვილმა.