მადლობელი ვარ დადასტურებისთვის, რომ საქართველო არ დაუშვებს რუსეთის მიერ სანქციების ნებისმიერი სახის გვერდის ავლას - დმიტრო კულება

უკრაინის საგარეო საქმეთა მინისტრი დმიტრო კულება ქართველ კოლეგასთან, ილია დარჩიაშვილთან საუბრის შესახებ სოციალურ ქსელ „ტვიტერზე“ წერს.

მისი თქმით, ქართველმა კოლეგამ დაარწმუნა  საქართველოს მხრიდან უკრაინისადმი მხარდაჭერის გაგრძელებაში.

„ვესაუბრე ჩემს ქართველ კოლეგას, ილია დარჩიაშვილს უკრაინის გმირულ თავდაცვაზე რუსეთის მიმდინარე ინტერვენციის წინააღმდეგ. მან დამარწმუნა საქართველოს მხრიდან უკრაინისადმი მხარდაჭერის გაგრძელებაში. მადლობელი ვარ მისი იმის დადასტურებისთვის, რომ საქართველო არ უშვებს და არ დაუშვებს რუსეთის მიერ სანქციების ნებისმიერი სახის გვერდის ავლას”, – წერს კულება.

Spoke with my Georgian counterpart @iliadarch on Ukraine’s heroic defense against the ongoing Russian invasion. He assured me of Georgia’s continued support of Ukraine. Grateful to him for reaffirming that Georgia does not and will not allow any bypassing of sanctions by Russia.

— Dmytro Kuleba (@DmytroKuleba) April 15, 2022