ლევან მაჭავარიანი: საქართველოში გამოხატვის თავისუფლება უზრუნველყოფილია, მაგრამ როცა პროტესტი კონსტიტუციის ფარგლებს სცდება, რეაგირება უნდა მოხდეს

მოქალაქეებს როდესაც პროტესტის გამოხატვა უნდათ, ამის საშუალება აქვთ, მაგრამ როცა პროტესტი კონსტიტუციის ფარგლებს სცდება, რა თქმა უნდა, რეაგირება უნდა მოხდეს, – ამის შესახებ საპარლამენტო უმრავლესობის წევრმა, ლევან მაჭავარიანმა განცხადა.

მისი თქმით, 4 ოქტომბერი თვალსაჩინო მაგალითი იყო, როცა ხელისუფლების დამხობის მცდელობას ჰქონდა ადგილი, სამართალდამცავების რეაგირება კი ადეკვატური იყო.

„საქართველოში გამოხატვის თავისუფლება უზრუნველყოფილია. ამის ნათელი მაგალითია ის, რომ თბილისის ცენტრალურ ქუჩებს 40-50 ადამიანი კეტავს. არ მგონია, მსგავს უფლებას რომელიმე სხვა დედაქალაქში აძლევდნენ. მოქალაქეებს როდესაც პროტესტის გამოხატვა უნდათ, ამის საშუალება აქვთ, მაგრამ როცა პროტესტი კონსტიტუციის ფარგლებს სცდება, რა თქმა უნდა, რეაგირება უნდა მოხდეს. 4 ოქტომბერი თვალსაჩინო მაგალითი იყო, როცა ხელისუფლების დამხობის მცდელობას ჰქონდა ადგილი, პრეზიდენტის რეზიდენციის შტურმი იყო. სამართალდამცავების რეაგირება ადეკვატური იყო და მათ გაცილებით მაღალი სტანდარტებით იმოქმედეს, ვიდრე ეს ევროპის ქვეყნებში ხდება“, – განაცხადა ლევან მაჭავარიანმა.