ხვალ პარლამენტში პლენარული სხდომა გაიმართება

პარლამენტში ხვალ, 10 მარტს, ბიუროს სხდომა ჩაინიშნა, რის შემდეგაც პლენარული სხდომა გაიმართება.

საკანონმდებლო ორგანოში ბიუროს სხდომა 11:45 საათზე გაიმართება, პლენარული კი, 12:00 საათზე.

აღნიშნულს წინ უძღოდა მმართველი პარტიის გადაწყვეტილება, "ხალხის ძალის" მიერ ინიცირებული „უცხოური გავლენის გამჭვირვალობის შესახებ“ კანონპროექტის უკან გაწვევის შესახებ.

ცნობისთვის, პარლამენტთან მიმდინარე აქციის მონაწილეების ერთ-ერთი მოთხოვნა იყო, დაუყოვნებლივ მოეწვიათ სხდომა, რათა გაეუქმებინათ ე.წ. აგენტების შესახებ კანონპროექტი.