დარდობენ თუ არა გარდაცვლილი ადამიანები ოჯახის წევრებზე - რას ამბობს მოძღვარი
1736872068
გვექნება შესაძლებლობა, რომ ევროპის საბჭოს საპარლამენტო დელეგაციას ინფორმაცია მივაწოდოთ ჩატარებული არჩევნების შესახებ, ასევე ქვეყნის შიდა საქმეებში უხეშ ჩარევებთან დაკავშირებით - გივი მიქანაძე
მათი ვიზიტის ფორმატში ჩვენ გვექნება შესაძლებლობა, რომ პირველი წყაროდან მივაწოდოთ ინფორმაცია ჩატარებული არჩევნების და მის შემდგომ განვითარებული მოვლენების თაობაზე, ისევე როგორც იმ ორმაგი სტანდარტებით მიდგომების თაობაზე, რომელსაც უპრეცედენტო ადგილი აქვს საქართველოსთან მიმართებით, განსაკუთრებით 2024 წლის აპრილიდან მოყოლებული, - განაცხადა განათლების, მეცნიერებისა და ახალგაზრდულ საქმეთა საპარლამენტო კომიტეტის თავმჯდომარე, უმრავლესობის წევრმა, გივი მიქანაძემ. დეპუტატი გამოეხმაურა ევროპის საბჭოს საპარლამენტო დელეგაციის ვიზიტს, რომელიც დღეს არის დაგეგმილი.
ამასთან, მიქანაძემ აღნიშნა, რომ ევროსაბჭოს საპარლამენტო ასამბლეის თანამომხსენებლებს ინფორმაციას მიაწვდიან ქვეყნის შიდა საქმეებში უხეშ ჩარევებთან დაკავშირებითაც, რომელსაც „მათ შორის ახორციელებდნენ ევროსაბჭოს წევრი ქვეყნების მაღალი რანგის პოლიტიკოსები“.
დღეს საქართველოს ევროპის საბჭოს საპარლამენტო დელეგაცია ეწვევა.
