გიული ალასანიამ ლობისტებს მილიონ დოლარამდე გადაუხადა, რათა მოგონილი „ავადმყოფობა“ გაეყიდათ - ნიკოლეიშვილი

ექსპერტი ლევან ნიკოლეიშვილი მიხეილ სააკაშვილის მიერ დაქირავებული ლობისტური კომპანიის Akerman LLP-ის საქმიანობის შესახებ გავრცელებულ ინფორმაციას ეხმიანება, საიდანაც ირკვევა, რომ ლობისტურმა ჯგუფმა სამედიცინო ექსპერტებს დასკვნების სანაცვლოდ სოლიდური თანხა ($284,784 აშშ დოლარი) გადაუხადა.

როგორც ნიკოლეიშვილი წერს, გიული ალასანიამ ლობისტებს მილიონ დოლარამდე გადაუხადა, რათა მოგონილი „ავადმყოფობა“ გაეყიდათ.

„ხოლო არარაჲ არს დაფარული, რომელი არა გამოცხადნეს, და დამალული, რომელი არა საცნაურ იყოს. ეს სქრინი არის სააკაშვილების ოჯახის მიერ, ლობისტებთან გაფორმებული კონტრაქტის ერთ-ერთი გვერდი, სადაც წერია, რომ გიული ალასანიამ ლობისტებს მილიონ დოლარამდე გადაუხადა, რათა მოგონილი "ავადმყოფობა" გაეყიდათ. ლობისტური ხელშეკრულება აიტვირთა ამერიკული ლობისტების ოფიციალურ საიტზე! ყველაფერს წერტილი დაესვა!!!”- წერს ნიკოლეიშვილი Facebook-ზე.

აშშ-ის იუსტიციის დეპარტამენტის ვებგვერდზე მიხეილ სააკაშვილის მიერ დაქირავებული ლობისტური კომპანიის Akerman LLP-ის საქმიანობის შესახებ ინფორმაცია ვრცელდება, საიდანაც ირკვევა, რომ ლობისტურმა ჯგუფმა სამედიცინო ექსპერტებს დასკვნების სანაცვლოდ სოლიდური თანხა ($284,784 აშშ დოლარი) გადაუხადა.