„გამოირჩევა პროფესიონალიზმით, მედგარი ხასიათით, სიმტკიცითა და ღირსებებით“ - არჩილ გორდულაძე ანრი ოხანაშვილზე

საპარლამენტო უმრავლესობაში სუს-ის ახალი ხელმძღვანელის პოსტზე, ანრი ოხანაშვილის კანდიდატურას პოზიტიურად აფასებენ. მათი განცხადებით, ყოფილი იუსტიციის მინისტრი გამოირჩევა პროფესიონალიზმით და მისი გამოცდილებით მნიშვნელოვან წვლილს შეიტანს უწყების განვითარებაში.

საპარლამენტო უმრავლესობისთვის მიუღებელია ოპოზიციის პოზიცია ანრი ოხანაშვილთან დაკავშირებით და აცხადებენ, რომ მთავრობის მუშაობის ეფექტიანობის გაზრდისთვის საკადრო ცვლილებები მნიშვნელოვანია.

"ადამიანი, რომელიც გამორჩეულია თავისი პროფესიონალიზმით, მედგარი ხასიათით, სიმტკიცით, ღირსებებით. ის ღირსეულად უძღვებოდა იურიდიულ საკითხთა კომიტეტს წლების განმავლობაში. იყო წარმატებული იუსტიციის მინისტრი და დარწმუნებულები ვართ, რომ იგი, როგორც სამშობლოს მოყვარე ადამიანს შეეფერება, ანალოგიურად გაუძღვება სახელმწიფო უსაფრთხოების სამსახურს, რომლის პასუხისმგებლობაც არის, რომ ჩვენს ქვეყანაში უსაფრთხოება იყოს უზრუნველყოფილი," - აღნიშნა პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ.

დღეს, პლენარულ სხდომაზე, სუს-ის უფროსის პოსტზე ანრი ოხანაშვილის კანდიდატურას უყრიან კენჭს.