გაეროს ტურიზმის ორგანიზაციის გენერალური მდივანი საქართველოს ტურიზმის ინდუსტრიის წარმომადგენლებს შეხვდა

საქართველოში ოფიციალური ვიზიტით მყოფმა გაეროს ტურიზმის ორგანიზაციის გენერალურმა მდივანმა შაიხა ალ ნუვაისმა ტურიზმის კერძო სექტორის წარმომადგენლებთან შეხვედრა გამართა.

გაეროს ტურიზმის ორგანიზაციის გენერალურ მდივანთან შეხვედრაზე განიხილეს საქართველოს ტურისტული შესაძლებლობები, პერსპექტივები და საერთაშორისო ბაზრებზე საქართველოს ტურისტული პროდუქტების პოზიციონირების საკითხები.
ბიზნეს ასოციაციის პრეზიდენტმა სოსო ფხაკაძემ შეხვედრის მონაწილეებს საქართველოში არსებული ბინზეს გარემო გააცნო.

მსოფლიო ტურიზმის ორგანიზაციის ევროპის რეგიონული დეპარტამენტის დირექტორმა კორდულო ვოლმუთერმა კი მსოფლიო მასშტაბით ტურიზმის სფეროში არსებული გამოწვევების შესახებ ისაუბრა.

როგორც კერძო სექტორის წარმომადგენლები აღნიშნავენ, მსგავსი მაღალი დონის ვიზიტები და საერთაშორისო ორგანიზაციებთან მჭიდრო თანამშრომლობა განსაკუთრებით მნიშვნელოვანია საქართველოს ტურისტული პოტენციალის კიდევ უფრო უკეთ წარმოსაჩენად.

შეხვედრას საქართველოს ეკონომიკისა და მდგრადი განვითარების მინისტრის მოადგილე ირაკლი ნადარეიშვილი უძღვებოდა. შეხვედრას ესწრებოდნენ ტურიზმის ეროვნული ადმინისტრაციის ხელმძღვანელი მაია ომიაძე და ესპანეთში საქართველოს ელჩი ალექსანდრე ჭკუასელი.

შეხვედრაში მონაწილეობდნენ საქართველოს ბიზნეს ასოციაციაცის, საქართველოს ტურიზმის ასოციაციისა და სხვადასხვა სასტუმროების წარმომადგენლები.