ევროკავშირის რეკომენდაციების შესრულებისთვის სამუშაო ჯგუფები საპარლამენტო ფორმატში შექმნილია, პარალელური ფორმატის ადგილი საქართველოში არ არის - კობახიძე

ამ ქვეყანაში ხელისუფლება არის ერთი და სამუშაო პროცესიც არის - ერთი. წარიმართება ოფიციალური სამუშაო პროცესი, რომელიც უკავშირდება12 პუნქტის შესრულებას, - განაცხადა „ქართული ოცნების“ თავმჯდომარემ ირაკლი კობახიძემ ჟურნალისტებთან.

„შექმნილია შესაბამისი სამუშაო ჯგუფები საპარლამენტო ფორმატში და ჩვენ გავაგრძელებთ მუშაობას. არავითარი პარალელური ფორმატის ადგილი საქართველოში არ არის. მათ ჯერ ტექნიკური მთავრობა უნდოდათ და ვერ მიაღწიეს, ახლა ტექნიკური პარლამენტის ჩამოყალიბება სცადეს. ეს ვერ იქნება ჩვენი მხრიდან სერიოზულად აღქმული“, - აცხადებს კობახიძე.

ევროკავშირის მიერ შემოთავაზებულ რეკომენდაციებზე მუშაობას „ქართული ოცნება“ ოპოზიციის ნაწილთან ერთად განაგრძობს. მათ 3 ოპოზიციური პარტია არ უერთდება.