„დიფ სთეითის“ დღის წესრიგი არის ასეთი - საქართველოში ხელისუფლება უნდა შეიცვალოს და მოვიდნენ ადამიანები, რომლებიც დაემორჩილებიან ყოველგვარ მითითებას - გია ვოლსკი

დიფ სთეითის დღის წესრიგი არის ასეთი - საქართველოში ხელისუფლება უნდა შეიცვალოს და მოვიდნენ ადამიანები, რომლებიც დაემორჩილებიან ყოველგვარ მითითებას, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ. დეპუტატი გამოეხმაურა დიდი ბრიტანეთის მხრიდან მოსამართლეების მიმართ დაწესებული სანქციების საკითხს.

„როდესაც მაგალითად ბრიტანეთი აცხადებს, რომ ორი მოსამართლის დასანქცირება ხდება რაღაც გარკვეული ეჭვების საფუძველზე, ეს პირიქით, იქით ქმნის ეჭვს, რომ არათუ ორმაგ სტანდარტთან გვაქვს საქმე, არამედ უსამართლობის იმ ხარისხთან, რომელიც განპირობებულია კონკრეტული პოლიტიკური მიზნით და ეს კონკრეტულ პოლიტიკური მიზანი რასაკვირველია კვლავ რჩება დღის წესრიგში; დიფ სთეითის დღის წესრიგი არის ასეთი - საქართველოში ხელისუფლება უნდა შეიცვალოს და მოვიდნენ ადამიანები, რომლებიც დაემორჩილებიან ყოველგვარ მითითებას“, - განაცხადა ვოლსკიმ.

დიდი ბრიტანეთის მთავრობამ საქართველოს იუსტიციის უმაღლესი საბჭოს წევრი, თბილისის სააპელაციო სასამართლოს მოსამართლე, ლევან მურუსიძე და თბილისის სააპელაციო სასამართლოს თავმჯდომარე, მიხეილ ჩინჩალაძე ისე დაასანქცირა, რომ განმარტებით ბარათში მოსამართლეების არაკეთილსინდისიერებაზე მხოლოდ ეჭვებსა და ვარაუდების დონეზეა საუბარი.