დღეიდან საქართველოს პრემიერ-მინისტრის ანტალიაში ვიზიტი იწყება

დღეიდან საქართველოს პრემიერ-მინისტრის ვიზიტი იწყება ანტალიაში. მთავრობის მეთაური მონაწილეობას მიიღებს ანტალიის ფორუმში, რომლის წლევანდელი თემა არის "დიპლომატიის აღდგენა ფრაგმენტულ სამყაროში".

პოლიტიკოსები, მეცნიერები, ბიზნესის, მედიისა და სამოქალაქო საზოგადოების წარმომადგენლები დიპლომატიის წინაშე მდგარ გამოწვევებს განიხილავენ და იმსჯელებენ კონფლიქტების მოგვარების ინსტრუმენტებსა და მედიაციის სტრატეგიაზე.

პრემიერ-მინისტრი ფორუმში საქართველოს საგარეო საქმეთა მინისტრთან ერთად მონაწილეობს.