დეკრეტულ შვებულებაში გასვლის შესაძლებლობა, არა მხოლოდ დედას, არამედ მამასაც აქვს - ირაკლი ღარიბაშვილი

დღეს უკვე დეკრეტულ შვებულებაში გასვლის შესაძლებლობა არა მხოლოდ დედას, არამედ მამასაც აქვს - ამის შესახებ პრემიერ-მინისტრმა, ირაკლი ღარიბაშვილმა პარლამენტის პლენარულ სხდომაზე განაცხადა, სადაც დღეს წლიური ანგარიშით წარსდგა.

„2020 წლის სექტემბერში ჩვენ განვახორციელეთ შრომის სამართლის რეფორმა. ამის ფარგლებში შრომის კოდექსში ცვლილებები შევიდა. სტანდარტები დაუახლოვდა და შეიძლება ითქვას, საერთაშორისო სტანდარტების შესაბამისი.

დაწესდა მშობლის შვებულების მაღალი სტანდარტი. დღეს უკვე დეკრეტულ შვებულებაში გასვლის შესაძლებლობა არა მხოლოდ დედას, არამედ მამასაც აქვს. რა თქმა უნდა, ბავშვის მოვლის მიზნით. გარდა ამისა, გათვალისწინებულია დამატებითი შესვენების დროც, “- განაცხადა ირაკლი ღარიბაშვილი,ა.