დეკემბერში ევროკომისია დაწერს ზუსტად იგივე დასკვნას, რაც ახლა გამოაქვეყნა - სალომე სამადაშვილი

„მე ამ გეგმის მონაწილეობაში თუ ჩავებმები, ე.ი. დეკემბერში, როდესაც ევროკომისია დაწერს ზუსტად იგივე დასკვნას, რაც ახლა გამოაქვეყნა და იტყვის, რომ არანაირი პროგრესი ჩვენ არ გვაქვს, უკვე მეც ვარ თანამონაწილე ამ წარუმატებლობის“, - ამის შესახებ ფრაქცია „ლელო“-ს წევრმა სალომე სამადაშვილმა ტვ „პირველის“ ეთერში განაცხადა.

მისი თქმით, საზოგადოების დაცინვაა გეგმა, რომელიც დღეს „ქართული ოცნების“ თავმჯდომარემ ირაკლი კობახიძემ წარადგინა.

„დაცინვაა საზოგადოების ის ე.წ გეგმა, რაც მან დღეს წარადგინა. მე ამ გეგმის მონაწილეობაში თუ ჩავებმები, ე.ი. დეკემბერში, როდესაც ევროკომისია დაწერს ზუსტად იგივე დასკვნას, რაც ახლა გამოაქვეყნა და იტყვის, რომ არანაირი პროგრესი ჩვენ არ გვაქვს, უკვე მეც ვარ თანამონაწილე ამ წარუმატებლობის, იმიტომ, რომ მეც ავიღე პასუხისმგებლობა, როდესაც ჩავერთე ამ პროცესში“, - განაცხადა სალომე სამადაშვილმა.