დამოუკიდებელი საქართველო ვართ, ამას რუსეთმა ვერაფერი უყო და ვერაფერს უზამს - პრეზიდენტი

„დღეს ჩვენ ვართ დამოუკიდებელი საქართველო და ამას რუსეთმა ვერაფერი უყო და ვერაფერს ვერ უზამს“ - ამის შესახებ საქართველოს პრეზიდენტმა, სალომე ზურაბიშვილმა პარლამენტის შენობის ეზოში იუნკერების ხსოვნისადმი მიძღვნილ ღონისძიებაზე განაცხადა.

„ეს დღე გლოვის დღე არაა და არასდროს უნდა იყოს, არც 25 თებერვალი, არც 9 აპრილი, ყველა ეს თარიღი ჩვენი გამარჯვების დღეა, რამეთუ, დღეს ჩვენ ვართ დამოუკიდებელი საქართველო და ამას რუსეთმა ვერაფერი უყო და ვერაფერს ვერ უზამს.

მაგრამ, ესაა ამავე დროს დაფიქრების დღე, ნუთუ, ჩვენ ყველაფერს ვაკეთებთ იმისთვის, რომ ჩვენ ჯარშიც იყოს ის სულისკვეთება. ჯარს შეიძლება ბევრი იარაღი ჰქონდეს, მაგრამ არ აქვს ის მთავარი, რაც მას ამოძრავებს. ნუთუ, ჩვენ ყველაფერს ვაკეთებთ იმისთვის, რომ სახელმწიფო დავაყენოთ ყველაფერზე ზემოთ, პარტიების, პირადი ინტერესების ზემოთ“, - განაცხადა პრეზიდენტმა.