ბიძინა ივანიშვილისა და ფონდ „ქართუს“ მიერ დაფინანსებული პროექტები, რომელსაც ოპოზიცია და მისი სატელიტი ტელევიზიები ნგრევად, ხოლო ქველმოქმედებას ანგარებად წარმოაჩენენ - POTSV

დადიანების სასახლის ახალი სიცოცხლე, ოპერისა და ბალეტის თეატრი, რუსთაველის თეატრი, მიხეილ თუმანიშვილის კინომსახიობთა თეატრი, მარიონეტების, მოზარდ მაყურებელთა, გრიბოედოვის, მარჯანიშვილის და თავისუფალი თეატრები, ბათუმის, სენაკის და ოზურგეთის თეატრები, ეკლესია-მონასტრები, ქუთაისის საერთაშორისო უნივერსიტეტი, დენდროლოგიური პარკი და სხვა - ეს მხოლოდ მცირე ჩამონათვალია იმ მასშტაბური პროექტებისა, რომლებიც ბიძინა ივანიშვილმა მხოლოდ კულტურისა და ეროვნული მემკვიდრეობის სფეროში განახორციელა და შემდეგ ხალხს გადასცა საჩუქრად - ნათქვამია POTSV-ს სიუჟეტში, რომელიც ბიძინა ივანიშვილისა და ფონდ „ქართუს“ მიერ დაფინანსებულ საქველმოქმედო პროექტებს ეხება.

სიუჟეტის ავტორის თქმით, ბოლო 9 წელია ოპოზიციად წოდებული ნაცმოძრაობა და მისი სატელიტი ტელევიზიები შენებას ნგრევად, ხოლო ქველმოქმედებას ანგარებად წარმოაჩენენ და ბიძინა ივანიშვილის მიერ გაწეულ საქველმოქმედო საქმიანობას ისე ხატავენ, თითქოს ყველაფერს მხოლოდ პირადი კომფორტისთვის აკეთებს. თუმცა საზოგადოება არაერთხელ დარწმუნდა, რომ ნაცები გამუდმებით იტყუებიან და მათი მიზანი საზოგადოებისთვის დამახინჯებული ინფორმაციის მიწოდებაა, ეს ყველაფერი კი იმისთვის კეთდება, რომ ხალხში შფოთი გამოიწვიონ. სიუჟეტში საუბარია დადიანების სასახლეზე, სადაც კულტურის სამინისტროს ძალისხმევით ულამაზესი საშობაო მეჯლისი მოეწყო.

ღონისძიება ძირითადად სასახლის ეზოსა და ნიკოსეულ სასახლეში ჩატარდა. აქვე ნაჩვენებია, თუ რა სავალალო მდგომარეობაში იყო სასახლე რესტავრაციამდე. „ბიძინა ივანიშვილის ინიციატივით,ფონდმა „ქართუ“ სასახლის რესტავრაცია დააფინანსა და დანგრევისთვის განწირულ შენობას ახალი სიცოცხლე შესძინა. დადიანების სასახლეთა სახელმწიფო ისტორიულ-არქიტექტორული მუზეუმის სარესტავრაციო სამუშაოებზე 1 328 000 დოლარი დაიხარჯა. უკანასკნელი 9 წელია ოპოზიციად წოდებული ნაცმოძრაობა და მისი სატელიტი ტელევიზიები შენებას ნგრევად, ხოლო ქველმოქმედებას ანგარებად წარმოაჩენენ.

ბიძინა ივანიშვილის მიერ გაწეულ საქველმოქმედო საქმიანობას ისე ხატავენ, თითქოს ყველაფერს მხოლოდ პირადი კომფორტისთვის აკეთებს. თუმცა საზოგადოება არაერთხელ დარწმუნდა, რომ ნაცები გამუდმებით იტყუებიან და მათი მიზანი საზოგადოებისთვის დამახინჯებული ინფორმაციის მიწოდებაა. ცხადია, ეს ყველაფერი იმისთვის კეთდება, რომ ხალხში შფოთი გამოიწვიონ, თუმცა POTSV-ის გუნდი ყოველთვის მზად არის, ასეთი ფეიკ რეპორტაჟები გამოააშკარაოს“ - ამბობს სიუჟეტის ავტორი და მაგალითად რამდენიმე რეპორტაჟი მოჰყავს. „ყველაზე მეტი ფეიკ რეპორტაჟი დენდროლოგიურ პარკზე მოამზადეს.

3 წლის მანძილზე ამტკიცებდნენ, რომ ბიძინა ივანიშვილი პირად ეზოს იწყობდა, თუმცა მასშტაბური სამუშაოების შედეგი მოსახლეობამ საკუთარი თვალით ნახა. პარკი ყველა მსურველისთვის ღიაა და მისი დათვალიერება უსასყიდლოდ შეუძლიათ. გახსნის დღიდან პარკს 2 მილიონზე მეტი ვიზიტორი ჰყავდა. ქუთაისის საერთაშორისო უნივერსიტეტი, რომელზეც ამბობდნენ, რომ საერთოდ ვერ აშენდებოდა. თუმცა უნივერსიტეტმმა უკვე სტუდენტების ორი ნაკადი მიიღო და წარმატებით ფუნქციონირებს. კულტურის სფეროში საქველმოქმედო ფონდ „ქართუსა“ და პირადად ბიძინა ივანიშვილის წვლილი უდიდესია.

ფონდის დაფინანსებით რესტავრირდა და განახლდა საქართველოს თეატრები: თბილისის ოპერისა და ბალეტის თეატრი, შოთა რუსთაველის სახელობის სახელმწიფო აკადემიური თეატრი, მიხეილ თუმანიშვილის კინომსახიობთა თეატრი, გაბრიაძის სახელობის მარიონეტების, ნოდარ დუმბაძის სახელობის მოზარდ მაყურებელთა, გრიბოედოვის , მარჯანიშვილის და თავისუფალი თეატრები. განახლდა და რესტავრირდა ასევე ბათუმის, სენაკის და ოზურგეთის თეატრები. ფონდ ქართუს დაფინანსებით, მთელი საქართველოს მასშტაბით 800 ზე მეტ ისტორიულ ძეგლს, ეკლესია-მონასტერს ჩაუტარდა რესტავრაცია. ბიძინა ივანიშვილმა სოთბის და ქრისტის აუქციონზე შეიძინა და ეროვნულ მუზეუმს გადასცა საჩუქრად ფიროსმანის ორი ნახატი, „არსენალის მთა ღამით“ და „შველი წყლის პირას“.

ეს მხოლოდ მცირე ჩამონათვალია იმ მასშტაბური პროექტებისა, რომლებიც ბიძინა ივანიშვილმა მხოლოდ კულტურისა და ეროვნული მემკვიდრეობის სფეროში განახორციელა და შემდეგ ხალხს გადასცა საჩუქრად. ბიძინა ივანიშვილის და მისი ოჯახის დამსახურება ჩვენი ეროვნული იდენტობის გადარჩენისა და აღორძინების საქმეში მართლაც ფასადუდებელია. ის ყველაფერი, რაც ივანიშვილების ოჯახმა დააფინანსა, ქართველ ხალხს და მომავალ თაობას დარჩება“ - ნათქვამია სიუჟეტში. 

ვიდეოები

1643311129

თუ ფლირტი და მხიარული ამბები გინდათ, ამ ე...

როგორი იქნება თებერვლის თვე ზოდიაქოს ნიშნებისთვის და რა რჩევები უნდა გავითვალისწინოთ პირად ურთიერთობებში - ასტროლოგი ლია ბარათელი ზოდიაქოს ნიშნებს ურჩევს, რომ თავი შეიკავონ ფლირტისგან, რადგან ეს შეიძლება მძიმე შედეგების მომტანი იყოს: „თუ ფლირტი და მხიარული ამბები გინდათ, ამ ეტაპზე თავი შეიკავეთ“ - ამბობს ასტროლოგი.

ასტროლოგი

სოციალური თემა

საზოგადოება

Georgian Airways

1643359412

თამაზ გაიაშვილი თბილისი-მოსკოვს შორის ჩარტერული რეისის გაუქმების მიზეზ...

თბილისსა და მოსკოვს შორის დაგეგმილი ფრენა ქვეყნებში არსებული მძიმე ეპიდვითარების გამო გაუქმდა, - ამის შესახებ ავიაკომპანია Georgian Airways-ის პრეზიდენტის თამაზ გაიაშვილმა განაცხადა. მისივე თქმით, ორ ქვეყანაში არსებული მძიმე ეპიდსიტუაციის გათვალისწინებით რეისი არ შესრულდება. შეგახსენებთ, რომ Georgian Airways-ის „ფეისბუქის“ გვერდზე გამოქვეყნდა ინფორმაცია, რომლის მიხედვითაც 28 იანვარს მოსკოვის მიმართულებით ჩარტერული რეისი შესრულდებოდა, თუმცა, მოგვიანებით, ცნობილი გახდა რომ ფრენა გაუქმდა. კომპანიის ხელმძღვანელობის განცხადებით, თბილისიდან მოსკოვის მიმართულებით პირდაპირი, ერთჯერადი ჩარტერული რეისი ბიზნესმენების დაკვეთით სრულდებოდა.

სხვა სიახლეები

ნონა გაფრინდაშვილი

1643366999

ნონა გაფრინდაშვილი მიმართვას ავრცელებს -„ჭადრაკის ენაზე რომ ვთქვათ, დე...

ლეგენდარული ქართველი მოჭადრაკე, ნონა გაფრინდაშვილი კალიფორნიის სასამართლოს გადაწყვეტილებასთან დაკავშირებით მიმართვას ავრცელებს. „პრაიმტაიმი“ მას უცვლელად გთავაზობთ: „ჭადრაკის ენაზე რომ ვთქვათ, დებიუტი მოგებულია. ზოგადად, ცხოვრებაში და ასევე სპორტში გამარჯვების მისაღწევად რამდენიმე აუცილებელი პირობა არსებობს: რწმენა, ბრძოლის წყურვილი და ჟინი, პროფესიონალიზმი და აუცილებელი კვალიფიკაცია, გულშემატკივრები და სიმართლე. მე ვიცავ ჩემს განვლილ ცხოვრებას, ეროვნებას და მიღწევებს, რომლებსაც უღირსად შეეხნენ. გულშემატკივრების საოცარ მხარდაჭერას მთელი ცხოვრება ვგრძნობდი. პროფესიონალიზმი ამ შემთხვევაში აისახება ჩემი ქართველი და ამერიკელი ადვოკატების უძლიერეს გუნდში, რომლებმაც საოცარი სამუშაო გასწიეს. მადლობა ამერიკულ სასამართლოს, რომელმაც ძალზედ კვალიფიციურად და სამართლიანად შეაფასა არსებული მოცემულობა. გამარჯვების წყურვილი და ბრძოლის ჟინი არასოდეს გამნელებია. ახლაც ღრმად მწამს, რომ ჩემს გუნდთან და ყველა ჩემს გულშემატკივართან ერთად მივალთ საბოლოო გამარჯვებამდე, რადგანაც სიმართლე ჩვენს მხარესაა და ეს მგონი მთელი სამყაროსთვის ცხადია დღეს. დიახ, მე ვარ ნონა გაფრინდაშვილი, ვარ ქართველი. დიახ, მთელი კარიერის მანძილზე მე ვეთამაშებოდი მამაკაც მოჭადრაკეებს და ხშირად ვამარცხებდი მათ, ამიტომაც მერგო პატივი, გავმხდარიყავი პირველი ქალი დიდოსტატი მამაკაცებს შორის. უღრმეს მადლობას ვუხდი უამრავ ადამიანს საქართველოში და მთელ მსოფლიოში, ვინც მე მხარდაჭერა და თანადგომა გამომიცხადა. ბრძოლა გრძელდება საბოლოო გამარჯვებამდე. პატივისცემით, ნონა გაფრინდაშვილი“, – აღნიშნულია მიმართვაში. შეგახსენებთ, მოსამართლე ვირჯინია ფილიპსმა ნონა გაფრინდაშვილის საქმეზე Netflix-ის შუამდგომლობა საქმის წარმოების შეწყვეტის შესახებ არ დააკმაყოფილა.

მანჯგალაძე

1643366952

თუ რუსეთს სიმხდალე ვანახეთ, ხვალ ეს ქვეყანა უფრო მეტს გაგვიბედავს - პა...

„აქ დგას ქვეყნის ინტერესები. აქ არ არის, ვინ ვის სჯობია, ვინ უფრო მაგარი ბიჭია, ან ვინ უფრო პატრიოტია. აქ არის ქვეყნის იმიჯზე საუბარი. თუ რუსეთს სიმხდალე ვნახეთ ამ საკითხებში, ხვალ რუსეთი გაგვიბედავს უფრო მეტს და გააკეთებს უფრო მეტს",- ამის შესახებ  „სტრატეგია აღმაშენებლის“ წევრმა პაატა მანჯგალაძემ განაცხადა.  "ამიტომ აუცილებელია, „ქართული ოცნება“ დაუბრუნდეს საღი აზრის ლოგიკას, ჩაიწეროს ტექსტში მინიმალური, რაც არის რეალობა, რეალობას გაუსწორონ თვალი და არ იყვნენ სირაქლემას პოზიციაში და ასე მივიღოთ ერთობლივი რეზოლუცია, რადგან საქართველოს პარლამენტის რეზოლუციას ვიღებთ ჩვენ დღეს და არა „ქართული ოცნების“ რეზოლუციას“, - განაცხადა პაატა მანჯგალაძემ.

სააგენტო

1643366927

დევნილთა სააგენტოში შეხვედრა დასრულდა - რაზე შეთანხმდა უწყება სანატორი...

დევნილთა სააგენტოში სანატორიუმ "ქართლში" მცხოვრები იძულებით გადაადგილებული პირების შეხვედრა დასრულდა. დევნილებმა ჯანდაცვის სამინისტროს წარმომადგენლებს ის სამინისტროს  წარმომადგენლებს თავიანთი წინადადებები შესთავაზეს და პოზიციები გაცვალეს. "კონკურსის პირობებშიც მიმდინარეობს აქტიური მოლაპარაკება კონკრეტულ მენაშენეებთან. 2 კვირის პერიოდში, ან ნებისმიერ დროს მათი გადაწყვეტილებით ჩაინიშნება ისევ შეხვედრა და მოვახსენებთ, რომელ კომპანიასთან, რომელ მენაშენესთან რა ხელშეკრულება გაფორმდა, რა ვადაში ასრულებს საცხოვრებელ ფართს და კონკრეტულად ეცოდინებათ სად მიიღებენ და რამდენ ხანში ფართებს," - აცხადებს დევნილთა სააგენტოს დირექტორის მოვალეობის შემსრულებელი დავით გურამიშვილი.

ნიკა კვარაცხელია

1643366105

რა თქვა მოწმემ სასამართლოზე, რომელმაც ნიკოს მკვლელობაში ბრალდებული ამო...

თბილისის საქალაქო სასამართლოში 22 წლის ნიკა კვარაცხელიას განზრახ ჯგუფურად მკვლელობაში ბრალდებულების, გიორგი კავილაძისა და აკო ჭელიძის სასამართლო პროცესი გაიმართა.  დღევანდელ სხდომაზე ის მოწმეები დაიკიდთხნენ, რომლებმაც ბრალდებულებს ავტომობილი მიაქირავეს. ლელა კორახაშვილის ჩვენების მიხედვით, ავტომანქანის დათვალიერებისას დაკავებულების პირადი ნივთები იპოვეს. კერძოდ, ორი წყვილი ბოტასი, სწრაფი კვებიდან გამოძახებული საკვები, ქუდი და ა.შ. „მოწმეებმა დაადასტურეს, თუ როგორ მიაქირავეს ავტომობილი ბრალდებულებს, დაადასტურეს მათი ვინაობა, სასამართლოს სხდომის დარბაზში ამოიცნეს ერთ-ერთი ბრალდებული და მიუთითეს მასზე, რომ მან იქირავა ავტომობილი. ასევე მათ პირად ტელეფონში არსებული „ჯიპიარეს" მონაცემების დემონსტრირება, რომლის მიხედვითაც დადასტურდა, რა მარშრუტით და მიმართულებებით გადაადგილდებოდნენ ბრალდებულები ნაქირავები ავტომობილით,“ - განაცხადა საქმის პროკურორმა, გია შაიშმელაშვილმა. შეგახსენებთ, თბილისში, ანჯაფარიძის ქუჩაზე, 22 წლის ნიკა კვარაცხელიას მკვლელობის საქმეზე აკო ჭელიძე და გიორგი კავილაძე თბილისში, წყნეთში დააკავეს. 

სააკაშვილი

1643365992

ამ ხალხის გამკვირვებია, პატარა ქვეყანაში ვცხოვრობთ, რა ჰგონიათ, სადამდ...

საქართველოს მესამე პრეზიდენტი მიხეილ სააკაშვილი სოციალურ ქსელში შემდეგ განცხადებას ავრცელებს: "ჩანაწერების წამშლელი დავით ღონიაშვილი, რომელიც გუშინ ტელევიზიით აჩვენეს, სწორედ ის იყო, ვინც ბადრაგს შემოუძღვა ღამის 12 საათზე და მაშინ პირველად ვნახე მთელი ჰოსპიტალში ყოფნის განმავლობაში. სასჯელაღსრულების სამსახურის ფორმაში ჩაცმული და ვითომ საათის წართმევის მოტივით თავზე დამახტა და ერთადერთი იყო, ვინც სიძულვილით და ზიზღით გამოირჩეოდა. რომ გადიოდა, მივაძახე, ჩანაწერი კარგად შემინახეთ, შენ აუცილებლად წახვალ ციხეში ამ უკანონობისთვის-მეთქი. მან გასვლისას კიდევ ერთხელ გამომხედა ამ სიტყვების გაგონების შემდეგ ბოროტი მზერით. ამიტომ, გუშინ ტელეეკრანზე ძალიან ადვილად ამოვიცანი. აქ რამდენიმე სახის დანაშაულია: 1. თავად ძალადობის ფაქტი, როცა მძიმე მდგომარეობაში მყოფ პაციენტს დახრჩობას უწყებ - ეს მკვლელობის მცდელობაა. 2. უკანონოდ ფორმის ტარება და სამსახურებრივი მდგომარეობის ბოროტად გამოყენება. 3. დანაშაულის ამსახველი კადრების უკანონოდ წაშლა. ღონიაშვილი ადრე შსს-დან ნარკომანობის გამო გაუშვეს. არ გამოვრიცხავ, რომ ჩემთან შემოვარდნის დროს ამავე ნარკოტიკული საშუალების ზემოქმედების ქვეშ იყო. ამ ხალხის გამკვირვებია, პატარა ქვეყანაში ვცხოვრობთ და რა ჰგონიათ, სადამდე გაუვათ და შერჩებათ. თან ღარიბაშვილის ახლობელი ყოფილა. ჩვეულებრივი შარაგზის ყაჩაღთა ბანდაა ხელისუფლებაში. აქ ნიშანდობლივი ის იყო, რომ სხვებს (პროფესიულ ბადრაგს) არ სურდათ ამ ნაგვის ბრძანების შესრულება და სულ დოყლაპიები ეძახა", - წერს მიხეილ სააკაშვილი.