არ მიყვარს ეს პრანჭვა-გრეხვით ლაპარაკი, ვიცი, რისი გამკეთებელი ვარ - ჩარკვიანი პროტესტის ფორმებზე

პარტია „კანონი და სამართლის“ ლიდერი თაკო ჩარკვიანი მიიჩნევს, რომ ოპოზიციის წარმომადგნლებს სულაც რომ არ მოსწონდეთ ერთმანეთი, რაზეც თანმხდებიან, იმ ერთი საკითხის ირგვლივ უნდა მოახერხონ ერთიანი გადაწყვეტილების მიღება.

თაკო ჩარკვიანის თქმით, შეიძლებოდა პარლამენტის შენობის გამოყენება პროტესტისთვის, იქნება ეს შიმშილობა, თუ სხვა ფორმა.

„რა გაგვიხდა ოპოზიციას, რომ სულ რომ არ მოგვწონდეს ერთმანეთი, არ არის სავალდებულო, მოგწონდეს, ერთ საკითხში მოგვწონს ერთმანეთი – ეს არის დასავლეთი, იმ ერთ საკითხში რომ დავსხდეთ და ყველამ ერთად მივიღოთ გადაწყვეტილება. პარლამენტის გამოყენებაც ამ თვეების განმავლობაში ძალიან საინტერესოდ შეიძლებოდა. იმ პარლამენტში ყველაზე კომფორტულად თავს გრძნობს უმრავლესობა. თუ მაინც და მაინც შიმშილი არ გინდა, ხომ ვიცი, კიდევ ღლიცინს ატეხენ, მაგრამ მაინც ხომ იქამდე მივდივართ, რასაც ვამბობ? აბა, წარმოიდგინეთ, რამდენიც ვართ პარლამენტის შენობაში ოპოზიციონერი, და ამის პრეცედენტი ყოფილი ხელისუფლების დროს იყო, გახსოვთ, მაშინ ახლების პროტესტი იყო, შიგნით პარლამენტშიც რომ გამოიყენო შენობა საპროტესტოდ? თუ ვიღაცას შიმშილობა არ შეუძლია, და აბსოლუტურად გასაგებია, მე კი არავის ვავალდებულებ, ნორმალურია. მაგალითად, მე ორდღიანი ვარ. წნევის ვარდნა ხდება და ვერ ვიტან, მაგრამ სამაგიეროდ აბსოლუტურად არ გამაჩნია პრობლემა და ბევრჯერ მითქვამს, მე და უკვე ზუსტად ვიცი, ამ ზაფხულს ვიმუშავე და ჩემი პარტიის წარმომადგენლები მზად არიან, რომ 160 000 ადამიანი თუ მოვა, პირადად გამოვაცხადებ და ვიტყვი, რომ მე ვრჩები და აბა, ვინ რჩებით ჩემთან ერთად. არ მაქვს არანაირი პრობლემა, რომ იქ ღამე ვათენო და ჩემი პარტიის წარმომადგენლები შემენაცვლებიან, ჩვენი მეგობრები, სანათესაო, შენობის გარეთ, თუ შიგნით. ერთადერთი, უბრალოდ ზუსტად ვიცი, არ მიყვარს ეს პრანჭვა-გრეხვით ლაპარაკი, ვიცი, რისი გამკეთებელი ვარ, შეიძლება, ორი დღე მეყოს, ჰა, ხუთი დღე შიმშილზე“, – განაცხადა თაკო ჩარკვიანმა „ტვ პირველის“  ეთერში.

ამასთან, ჩარკვიანის შეფასებით, პრობლემას წარმოადგენს ის, რომ სახალხო თუ არის პროტესტი, სახალხო უნდა იყოს მიკროფონიც.