"9 წლიანი რეჟიმი, რომელმაც ომში გაგვხვია, ტერიტორიები გადააბარა რუსეთს, სისტემური დანაშაულები, რეკეტი... ეს ყველაფერი დაუსჯელი არ უნდა დარჩეს" - ლევან მაჭავარიანი საგამოძიებო კომისიის შექმნაზე

ლევან მაჭავარიანი

"9 წლიანი რეჟიმი, რომელმაც ომში გაგვხვია, ტერიტორიები გადააბარა რუსეთს, ის სისტემური დანაშაულები, რაც ხდებოდა, რეკეტი, გაუპატიურება, წამება, ადამიანების ოჯახებში თვალთვალი და ა.შ. ეს ყველაფერი დაუსჯელი არ უნდა დარჩეს," - ასე გამოეხმაურა პარლამენტის ფრაქცია "ქართული ოცნების" თავმჯდომარის მოადგილე, ლევან მაჭავარიანი პარლამენტში დროებითი საგამოძიებო კომისიის შექმნის საკითხს:

"საგამოძიებო კომისია, ჩვენ როგორც დავაანონსეთ, იცით, რომ საგაზაფხულო სესიის პირველივე კვირაში შეიქმნება. ვინც არ ითანამშრომლებს ამასთან დაკავშირებით, რა თქმა უნდა, სისხლის სამართლის სანქციები არის გათვალისწინებული. 9 წლიანი რეჟიმი, რომელმაც ომში გაგვხვია, ტერიტორიები გადააბარა რუსეთს, ის სისტემური დანაშაულები, რაც ხდებოდა, რეკეტი, გაუპატიურება, წამება, ადამიანების ოჯახებში თვალთვალი და ა.შ. ეს ყველაფერი დაუსჯელი არ უნდა დარჩეს. ჩვენ ბევრჯერ ხაზი გაგვისვამს, რომ ახლა დადგა ის მომენტი, როდესაც ჩვენი ქვეყანა იმდენად ძლიერი და განმტკიცებულია ჩვენი სუვერენიტეტი და იმდენად დამოუკიდებლები ვართ, რომ შეგვიძლია ეს ნაბიჯი გადავდგათ. ვინაიდან, ამ ძალებს მფარველობდნენ გარედან ძალიან ძლიერი აქტორები, რომლებიც ამის საშუალებას არ გვაძლევდნენ და თავის დროზე, თავს მოგვახვიეს კოჰაბიტაცია," - აცხადებს ლევან მაჭავარიანი.