ზელენსკიმ ომში დაჭრილი ჯარისკაცები საავადმყოფოში პირადად მოინახულა და მედლები გადასცა

უკრაინის პრეზიდენტმა, ვოლოდიმირ ზელენსკიმ დაჭრილი მეომრები საავადმყოფოში მოინახულა და დააჯილდოვა. პრეზიდენტმა ჯილდო გადასცა საავადმყოფოს თანამშრომლებსაც.

„მალე გამოჯანმრთელდით. საავადმყოფოდან თქვენი გამოსვლის დროისთვის საუკეთესო საჩუქარი იქნება ჩვენი ერთობლივი გამარჯვება!“,  - წერს ზელენსკი პირად Facebook გვერდზე.

ჯარისკაცებმა პრეზიდენტთან ერთად ფოტოებიც გადაიღეს.

ზელენსკის განცხადებით, უკრაინამ ომში ამ დრომდე  1300-მდე ჯარისკაცი დაკარგა. რაც შეეხება რუსეთს, 12 ათასს გადააჭარბა დაღუპული რუსი სამხედროების რიცხვმა.