ზელენსკი: უკრაინა მზად არის, ხვალვე გაწევრიანდეს ნატოში, თუ შესთავაზებენ, თუმცა ეს არ მომხდარა და არც მოხდება

უკრაინა მზად არის, ხვალვე გაწევრიანდეს ნატოში, თუ შესთავაზებენ, თუმცა ეს არ მომხდარა და არც მოხდება,- ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.  ინფორმაციას უკრაინული მედია ავრცელებს.

„თუ ხვალ ნატოში გაწევრიანებას შემოგთავაზებენ, გავწევრიანდებით, თუმცა, სამწუხაროდ ეს არ მომხდარა და არც მოხდება. ამიტომაც ჩვენთვის უსაფრთხოების იმ გარანტიებს ავაშენებთ, რომელიც ჩვენ დაგვიცავს. ისედაც შეგვიძლია თავი დავიცვათ. ეს უკვე გვესმის. თუმცა, ყველა ადამიანის დაცვა - ეს უფრო რთული ამოცანაა“, - აღნიშნა ვოლოდიმირ ზელენსკიმ.