ზელენსკი: თუ იარაღს არ მივიღებთ, რუსეთი ამას შეტევის ნებართვად აღიქვამს

თუ იარაღს არ მივიღებთ, რუსეთი ამას შეტევის ნებართვად აღიქვამს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა. ინფორმაციას უკრაინული მედია ავრცელებს.

„თუ რუსეთის წინააღმდეგ მართლაც მტკივნეული სანქციების პაკეტი არ დაწესდება, თუ არ მივიღებთ რეალურად საჭირო იარაღს, რომელსაც ბევრჯერ ვითხოვდით, რუსეთი ამას ნებართვად განიხილავს. როგორც უფრო შორს წასვლის ნებართვას. როგორც ნებართვას, დონბასში ახალი სისხლისმღვრელი ტალღა დაიწყოს“, - აღნიშნა უკრაინის პრეზიდენტმა.