დენის შმიგალი: რუსეთის ბიუჯეტი – ეს ტერორიზმის ბიუჯეტია, არამხოლოდ უკრაინის, არამედ მთელი ცივილიზებული სამყაროს წინააღმდეგ

რუსული ნავთობისა და გაზისთვის გადახდილი თანხა სისხლიანი ფულია,- ამის შესახებ უკრაინის პრემიერმა, დენის შმიგალმა განაცხადა. ინფორმაციას  BBC-ი ავრცელებს.

შმიგალმა ევროპის ქვეყნებს მოუწოდა, უარი თქვან რუსული ნავთობისა და გაზის შესყიდვაზე.

„ეს სისხლიანი ფულია. ამ თანხას ისინი იარაღის შესაძენად იყენებენ, რომლითაც შემდეგ უკრაინელებს ხოცავენ.

რუსეთის ბიუჯეტი – ეს ტერორიზმის ბიუჯეტია. არამხოლოდ უკრაინის, არამედ მთელი ცივილიზებული სამყაროს წინააღმდეგ“,- აღნიშნავს შმიგალი.

მისივე თქმით, რუსი სამხედროების სისასტიკე – გენოციდია.