ყაზახეთის დედაქალაქში 19 იანვრამდე საგანგებო მდგომარეობის რეჟიმი გამოცხადდა

ყაზახეთის პრეზიდენტმა ქვეყნის დედაქალაქში დღეიდან 19 იანვრამდე საგანგებო მდგომარეობის რეჟიმი გამოაცხადა.

ბრძანების მიხედვით, ყაზახეთის დედაქალაქში ღამის 23:00 საათიდან დილის 7:00 საათამდე კომენდანტის საათი იქნება გამოცხადებული.

ნურ-სულთანში შეიზღუდება ტრანსპორტის გადაადგილება. ასევე, შეზღუდული იქნება დედაქალაქში ჩასვლა და მისი დატოვება. იკრძალება საპროტესტო აქციების გამართვა და გაფიცვები.

შეგახსენებთ, რომ ყაზახეთში უკვე მეოთხე დღეა, გრძელდება დემონსტრაციები, რომლებიც 2 იანვარს გათხევადებული აირის გაძვირების გამო დაიწყო. მთავრობის მიერ დადებული პირობის მიუხედავად, რომ ფასები შემცირდებოდა, აქციები არ შეწყვეტილა.