უკრაინის შეიარაღებულ ძალებში აცხადებენ, რომ ბოლო 24 საათში ფრონტზე 200 საბრძოლო შეტაკება მოხდა, მათგან 67 პოკროვსკის სექტორში დაფიქსირდა

უკრაინის შეიარაღებულ ძალებში აცხადებენ, რომ ბოლო 24 საათში ფრონტზე 200 საბრძოლო შეტაკება მოხდა, რომელთაგან ყველაზე დიდი რაოდენობა – 67 პოკროვსკის სექტორში დაფიქსირდა.

ამასთან, უკრაინის საჰაერო ძალების ინფორმაციით, 25 სექტემბრის საღამოდან, რუსულმა ძალებმა უკრაინას „შაჰედისა“ და სხვა ტიპის 154 უპილოტო საფრენი აპარატით შეუტიეს. მათგან 128 დრონი განეიტრალდა, თუმცა 26-მა სამიზნეს მიაღწია.

უკრაინის შეიარაღებული ძალების გენერალური შტაბის განცხადებით, ბოლო 24 საათის განმავლობაში მათ მოწინააღმდეგის 940 ჯარისკაცი გაანეიტრალეს, ასევე გაანადგურეს 400-ზე მეტი ერთეული იარაღი და სამხედრო ტექნიკა.