უკრაინის გენშტაბი ადასტურებს, რომ უკრაინულმა ჯარებმა კურსკის ოლქში მდებარე ქალაქი სუჯა დატოვეს

უკრაინის შეიარაღებული ძალების გენშტაბი ადასტურებს, რომ უკრაინულმა ჯარებმა კურსკის ოლქში მდებარე ქალაქი სუჯა დატოვეს.

უკრაინის შეიარაღებული ძალების გენერალურმა შტაბმა გაასაჯაროვა რუკა, რომელიც აჩვენებს, რომ უკრაინის ჯარები სრულად გავიდნენ რუსეთის ქალაქ სუჯადან.

გენშტაბის ყოველდღიურ ანგარიშში აღნიშნულია, რომ ბოლო 24 საათის განმავლობაში კურსკის მიმართულებით „19 საბრძოლო შეტაკება მოხდა“.

სამხედროებმა განახორციელეს „34 საავიაციო დარტყმა, ჩამოაგდეს 63 მართვადი ბომბი და განახორციელეს 243 საარტილერიო შეტევა, მათ შორის ხუთი რეაქტიული საარტილერიო სისტემებიდან“.