უკრაინის არმიის გენშტაბი: რუსეთის საოკუპაციო ჯარების ცოცხალი ძალის დანაკარგი 13 800-ს აღწევს

უკრაინის არმიის გენშტაბის ინფორმაციით, რუსეთის საოკუპაციო ჯარების ცოცხალი ძალის დანაკარგი 13 800-ს აღწევს. ინფორმაციას უკრაინული მედია ავრცელებს. 

გამოცემის ცნობით, რუსეთის შეიარაღებულმა ძალებმა უკრაინაში 430 ტანკი და 11 ოპერატიულ-ტაქტიკური დონის უპილოტო საფრენი აპარატი დაკარგეს.

უკრაინის მედია ქვეყნის თავდაცვის ძალების გენშტაბზე დაყრდნობით წერს, რომ 24 თებერვლის შემდეგ რუსეთის შეიარაღებულმა ძალებმა უკრაინაში 430 ტანკი, 1 375 საბრძოლო ჯავშანმანქანა, 190 საარტილერიო სისტემა, 70 ზალპური ცეცხლის რეაქტიული სისტემა, 43 საჰაერო თავდაცვის სისტემა, 84 სამხედრო თვიმთფრინავი, 108 ვერტმფრენი, 11 ოპერატიულ-ტაქტიკური დონის უპილოტო საფრენი აპარატი დაკარგა.