უკრაინაში საბრძოლველად ჩასულ უცხოელებს უკრაინის მოქალაქეობას მიანიჭებენ

უკრაინის შინაგან საქმეთა მინისტრის პირველი მოადგილის, ევგენი იენინის განცხადებით, უცხოელებს, რომლებიც უკრაინაში რუსეთის შემოჭრის წინააღმდეგ საბრძოლველად ჩადიან, უკრაინის მოქალაქეობის მიღების შესაძლებლობა ეძლევათ.

„თუ უცხო ქვეყნის მოქალაქე ასეთი პირები დაინტერესებულები არიან უკრაინის მოქალაქეობის მიღებით, ჩვენი კანონმდებლობა იძლევა ასეთ შესაძლებლობას“,- აღნიშნა მინისტრის მოადგილემ. 

ბოლო მონაცემებით, მთელ მსოფლიოში 40 000-მდე გაიზარდა მათი რაოდენობა, ვისაც უკრაინაში რუსეთის წინააღმდეგ საბრძოლველად წასვლა სურთ.