უკრაინაში ბებია გარდაცვლილი იპოვეს, 4 წლის ბავშვს ამ დრომდე ეძებენ

უკვე 5 დღეა, უკრაინელი ანა იახნო დაკარგულ შვილს, საშას ეძებს. ბიჭი ბებიასთან ერთად, კიევის წყალსაცავის გავლით, რუსი ოკუპანტებისაგან თავის დაღწევას ცდილობდა. სამწუხაროდ, ბებია დაიღუპა, თუმცა ბიჭს სამაშველო ჟილეტი ეცვა და დედა იმედოვნებს, რომ ის ჯერ კიდევ ცოცხალია.

ინფორმაცია ქართულ ფეისბუკ-ჯგუფებშიც აქტიურად ვრცელდება.

„გააზიარეთ, რაც უფრო მეტი გაზიარება ექნება, მით უფრო დიდი შანსი აქვთ, რომ ბავშვი იპოვონ. 4 წლის ბავშვი უკრაინაში, ევაკუაციის დროს 10 მარტს დაიკარგა.  აქ ძალიან ბევრი უკრაინელი შემოდის, ამიტომაც ვპოსტავ. მშობლები ცოცხლები არიან და ეძებენ. ნომერი მითითებულია.​ Звонить +380637034777. Инстаграм @shine4.me“, - ვკითხულობთ ჯგუფში Spend 4 Seasons in Georgia.