უკრაინამ სოლედარის მიმართულებით 26 შეტევა განახორციელა - რუსეთის თავდაცვის სამინისტრო

რუსეთის თავდაცვის სამინისტროში აცხადებენ, რომ უკრაინამ 11 მაისს სოლედარის მიმართულებით 26 თავდასხმა განახორციელა. ამის შესახებ უცხოური მედია წერს. 

მოსკოვის თქმით, თავდასხმაში 1 000-ზე მეტი ჯარისკაცი და 40-მდე ტანკი მონაწილეობდა.

„სოლედარის ტაქტიკური მიმართულებით მტერმა გუშინ შეტევითი ოპერაციები ჩაატარა მხარეებს შორის კონტაქტის მთელ ხაზზე, რომლის სიგრძე 95 კილომეტრზე მეტია.

უკრაინის შეიარაღებული ძალების შენაერთებმა განახორციელეს 26 შეტევა, რომელშიც მონაწილეობდა 1 000-ზე მეტი სამხედრო მოსამსახურე, 40-მდე ტანკი, ასევე სხვა სამხედრო და სპეცტექნიკა. ყველა თავდასხმა მოგერიებულია“, - აღნიშნულია რუსეთის თავდაცვის სამინისტროს განცხადებაში.